کابل کې یودېرش تنو ته د کار زمینه برابره شوه
د کار او ټولنیزو چارو وزارت په هڅو ځوانانو ته د کاري فرصتونو د ایجاد په منظور د کابل ولایت په پغمان ولسوالۍ کې ۳۱ تنو ځوانانو ته د کوچنیو کاروبارونو کاري وسایل ووېشل شول.
د دې وسایلو د وېش پرمهال د کار او ټولنیزو چارو استازو په خپلو خبرو کې د همکارې مؤسسې څخه د مننې سربېره زیاته کړه: د خوښۍ ځای دی، چې نن مو ۳۱ تنو ځوانانو ته د دوکاندارۍ، مالدارۍ، فلزکارۍ او خیاطۍ حرفو د وسایلو په وېش سره د کوچنیو کاروبارونو زمینه برابره کړه.
استازو همدارنګه د د سرف افغانستان همکارې مؤسسې څخه د مننې ترڅنګ، له نورو بنسټونو او مؤسسو وغوښتل، چې د ځورېدلي ولس سره د مرستې او لاسنیوي په منظور، د دې وزارت سره په همغږۍ په خپلو فعالیتونو کې پراخوالی راولي او هېوادوالو ته په دایمي توګه د کار زمینه برابره کړي
