هغه کسان چې د روزنتون د یو شاګرد د ګردې خرڅېدو موضوع یې سازماندهي او غلطې اوازې یې نشر کړي، پيدا او عدلي او قضایي ادارو ته به و سپارل شي.
دغه خبرې د کار او ټولنیزو چارو سرپرست سید انور سادات د مدني ټولنې یو شمیر استازو سره په ناسته کې په داسې حال کې چې د یاد شاګرد هم حاضر وه و کړې، نوموړي وویل: ټول هغه کسان چې د یوې ادارې د بد نامۍ په موخه دغسې بې ځایه آوازې خپروي، پيدا او عدلي او قضایي ادارو ته به یې و سپاري.
د کار او ټولنیزو چارو وزارت سرپرست وویل، چې یادو غلطو او بې آوازو د رد په موخه د کار او ټولنیزو چارو وزارت ټول اسناد لري او د یادو اوازو د خپرونکو د پيژندلو په موخه هم کوم رسمي کارونه چې په دې وزارت پورې اړه لري، ترسره شوي دي او د کورنیو چارو وزارت اړوندې څانګې هم رسما په جریان کې اچول شوي دي.
سید انور سادات زیاته کړه، چې د کار او ټولنیزو چارو وزارت رهبري په ټول قوت ژمنه ده او هیڅ کله هیچ چا ته اجازه ور نه کړي، چې د ماشومانو څخه سوه استفاده و کړي، نوموړي همدارنګه وویل، ټول هغه نهادونه چې د ماشومانو په برخه کې کار کوي، د کار او ټولنیزو چارو وزارت سره ثبت کیږي او د کارونو د لا ښه والي په موخه باید د کار او ټولنیزو چارو وزارت سره یو هوکړه لیک لاسلیک کړي.
په ناسته کې د مدني ټولنو استازو د روزنتون د یو شاګرد د ګردې خرڅېدو په اړه د خپروو شویو آوازو باندې خواشیني څرګنده کړه او و یې ویل، چې د دغسې اوازو اصلي عاملین باید و پيژندل شي او عدلي او قضایي ارګانونو ته باید معرفي شي.
د مدني ټولنې استازو ژمنه و کړه، چې د یادې موضوع د څيړلو په موخه به د کار او ټولنیزو چارو وزارت سره په ګډه کار و کړي او پایلې به یې د هیوادوالو سره شریکې کړي.
د ویلو دی، چې په ناسته کې د روزنتون شاګرد محمد علي هم خپلې خبرې ګډونوالو سره شریکې کړې او یاده موضوع یې رد کړه.
