د کار ملي کنفرانس د ژمنو د تعقیب په موخه ناسته وشوه
د کار او ټولنیزو چارو وزارت، د کار چارو معین الحاج مولوي محمد زاهد احمدزي د خپل کار په دفتر کې د اړونده رئیسانو سره د کار ملي کنفرانس د شویو ژمنو د تعقیب او څارلو په موخه خپلمنځي ناسته وکړه.
په کتنه کې د کار چارو معین د ترسره شوي کار ملي کنفرانس د اړوند موضوعاتو، تعقیبي کمیټې د غړو ترمنځ د غوره همغږۍ او د مربوطه ادارو لخوا د شویو تعهداتو د تطبیق ګزارش د حاصلولو او په ورته وخت کې د بیکارۍ کچې کمښت، ځوانانو ته د کاري فرصتونو برابرولو، د فني او حرفوي زدهکړو لپاره د برنامو په لاره اچول، د غوره او معیاري کار ترویج، د ټولګټو پروژو د تطبیق د څرنګوالي، ولسونو ته د آسانتیاوو برابرولو او د کاري شرایطو د ښهوالي په موخه د معیارونو د تطبیق په اړه هر اړخیزه خبرې اترې وشوې ترڅو په ټولنه کې شته شتونزې تر یو بریده حل او هېوادوالو ته کاري فرصتونه برابر شي.
په پای کې د کار ملي کانفرانس د ژمنو د تعقیب کمیټې ته لارښوونه وشوه؛ چې متعهدو وزارتونو او بنسټونو سره ناستې تنظیم کړي.
