د کار او ټولنیزو چارو په وزارت کې د بګرام زندان مستند فلم ننداری ته وړاندې شو
د کار او ټولنیزو چارو په وزارت کې نن؛ په بګرام زندان کې په تیرو شلو کلنو کې د سرته رسیدلو، ظلمونو، ستمونو، بې عزتیو، فجایعو او ذهني شکنجو او فشارونه په تړاو د افغان فلم له لورې جوړ شوې مستند فلم ننداری ته وړاندې شو.
د فلم له ننداری څخه وړاندې د کار او ټولنیزو چارو مالي او اداري مرستیال وزیر مولوي دین محمد حقبین په خپلو خبرو کې وویل: د افغان فلم یادې هڅې د ستایلو وړ دی، د فلم اساسي موخه؛ اصلي واقعیتونو ښکاره کول او د غلطو او فاضلو فتنو شړل دی.
مولوي حقبین په خپلو خبرو کې خلک یووالي، د واحد قیادت ترلاندې سوله ایز ژوند، د خپل امیر اطاعت واجب ګڼلو او په خپل منځ کې د تعصب او اختلافاتو څخه پرهیز ته راوبلل، او زیاته یې کړه چې د افغانستان اسلامي امارت د ملت د دین، مذهب، ناموس او عزت ساتونکی دی او یاد مسوولیت ته ژمن دی.
د یادولو وړ ده چې یاد فلم د یو ساعت په مخه ده او په تیرو شلو کلنو کې په بګزام زندان کې تیر شویو فجایعو یو مستنده ننداره ده چې د اشغالګرو ځواکونو وحشت او بربریت په ګوته کوي.
