د کار او ټولنیزو چارو وزارت د اساسي قانون د تصویب اوولسمه کلیزه ولمانځله
د اساسي قانون د تصویب اوولسمې کلیزې په پار د کار او ټولنیزو چارو وزارت د غونډو په تالار کې غونډه جوړه کړه.
په دغه غونډه کې د وزارت مشرتابه سر بیره د اساسي قانون پلی کولو څخه د څار خپلواک کمیسیون استازی، د وزارت رائیسانو، امرینو او یو شمیر کار کونکو ګډون درلود.
د کار او تولنیزو چارو وزیر بشیر احمد ته ینج؛ د افغانستان اساسي قانون په سیمه کې یو تر ټولو ښه قانون او د جګړې وروسته د افغان ملت د تیرو څو لسیزو یوه لاسته راوړنه وبلله او ساتنه یې د افغانانو یو مسوولیت او دنده وباله. نوموړي همدا رنګه وویل چې د یاد قانون له برکته نن افغان ملت د یو نظام خاوند دي او د همدې قانون پر بنسټ ټول افغانان یو شان حق او امتیازات لري.
ښاغلي ته ینج؛ د اساسي قانون ۴۸ مادې ته په کتو سره په هیواد کې د دندو رامنځته کول او د بیکارۍ کچې راټیټول د کار او ټولنیزو چارو وزارت له لومړیتوبونو څخه وباله او ټینګار یې وکړ ترڅو اړونده ادارې هم یاد وزارت سره په همغږۍ بې روزګارۍ له منځه وړلو کې هلې ځلې وکړي تر له یو پلوه مو اساسي قانون پلی کړي وي او له بل لوري مو ځوانانو ته د کار زمینه برابره کړي وي.
د اساسي قانون پلی کولو څخه د څار خپلواک کمیسیون د اساسي قانون څخه په ډکر کې د قوانینو مطالعې ډیپارټمنټ مشر ښاغلي محمد هارون ستانکزي هم د افغانستان اساسي قانون په بیلابیلو برخو رڼا واچوله او زیاته یې کړه چې اساسي قانون د خلکو ملکیت دی او په هر حالت کې خلک باید له دې قانون څخه ساتنه وکړي او د پلي کولو لپاره یې باید کلک هوډ ولري، نومړي همدا رنګه یاد قانون اسلامي او خلک محوره وباله او په یو شمیر مواردو کې یې د تعدیل او د مثبت بدلون غوښتونکي شو.
د تقنین او د کار حقوق عمومي رئیس ښاغلي غلام مصطفی هاروني هم د افغانستان اساسي قانون د نورو قانونو سرچینه وبلله او د پلي کولو لپاره یې په هیواد کې شته ادارې مسؤله وبللې.
د افغانستان نوی اساسي قانون چې د ۱۳۸۲ هجري لمریز کال د لیندۍ له ۲۲ څخه د مرغومې تر ۱۴ نیټې پورې په کابل کې د جوړې شوي لویې جرګې لخوا په ۱۲ فصلونو او په ۱۶۲ مادو کې د رایو په اتفاق تصویب شو، چې وروسته بیا توشیح او نافذ شو.
