د نجات نړيوالې کمېټې استازو سره د کار چارو مرستيال ليدنه

د کار چارو مرستيال مولوي مخدوم عبدالسلام سعادت د نجات نړيوالې کمېټې (IRC) استازو سره خپل کاري دفتر کې وکتل. 

پيل کې د نجات نړيوالې کمېټې (IRC) د همغږۍ برخې مسؤل د خپلو کړنو اړوند خبرې وکړې، و يې ويل: موږ اوس مهال ننګرهار او هرات ولايتونو کې د کورنيو د ملاتړ په موخه د خياطۍ، مربا جوړولو، اشپزۍ، خطاطۍ، نقاشۍ او لاسي کنډل شويو شيانو برخو کې خدمتونه وړاندې کړي دي. 
وروسته د کار چارو مرستيال مولوي مخدوم عبدالسلام سعادت د ياد نهاد د کړنو برخه کې د کار او ټولنيزو چارو وزارت د مسؤليتونه يادونه و کړه او په ټول هيواد کې يې د ياد نړيوال نهاد د کړونو او خدمتونو وړاندې کولو غوښتنه وکړه او ژمنه يې وکړه، چې د کار او ټولنيزو چارو وزارت به ورسره په ټولو کاري برخو کې د اسلامي او شرعي اصولو په رڼا کې همکاري وکړي. 
د ويلو دی، چې نږدې راتلونکي کې به د ټولنې متضرره قشر او ماشومانو سره د مرستې په پار ياد نهاد سره يو هوکړه ليک لاسليک شي، چې پر بنسټ به يې هغه ميندې او له پنځه کلونو ټيټ ماشومان او همدارنګه ميرمنې او انجونې د يو شان ټولنيزو خدمتونو څخه برخمنې شي.