د افغانستان اړوند خبرو ناسته ( پوهنې، لوړو زده کړو او فقر) کې د کار چارو مرستيال ګډون
د کار چارو مرستيال مولوي مخدوم عبدالسلام سعادت د افغانستان اړوند خبرو ناسته کې چې د آسيا نړيوال مطالعاتي او څيړنيز بنسټ له لوري کانټينينټال هوټل کې جوړه شوې وه ګډون وکړ او په افغانستان کې د فقر عواملو د ارزونې او حل لارو اړوند يې هر اړخيزې خبرې وکړې.
د ويلو دی، چې د خبرو پنل کې د کار چارو مرستيال او نورو ګډونوالو له لوري د دې موضوعاتو (څنګه کولای شو د افغاني ظرفيتونو څخه د کار برخه کې ګټه واخلو؟ د کاري زمينې نه را منځ ته کيدلو برخه کې د کار او ټولنيزو چارو وزارت بنسټيزې ستونزې څه دي؟ څنګه کولای شو د دولت او خصوصي سکتور تر منځ د کارموندنې په موخه همغږي را منځ ته کړو؟ د کار او ټولنيزو چارو وزارت د کارموندنې لپاره څه پلانونه لري؟ د بې سرپرسته ماشومانو لپاره د سرپناه موندلو لپاره څه پلانونه لاس لاندې دي او د کاري ادارو د قانوني کولو او همغږۍ لپاره څه پلانونه شته؟ ) اړوند هر اړخيزې خبرې و شوې.
