افغان ـ کوريا د فني او حرفوي زده کړو انستيتوت څخه ۲۱۹ تنه ( انجونې او هلکان) فارغ شول.

دغو فارغانو چې دريوو مختلفو ( کمپيوټر، انګليسي او خياطي) څانګو کې يې شپږ مياشتې زده کړې تر سره کړې وې، نن ورته د کار او ټولنيزو چارو وزارت رهبرۍ له خوا فراغت پاڼې او ډالۍ ور کړل شوې. 
په همدې موخه جوړه شوې غونډه کې د کار او ټولنيزو چارو سرپرست سيد انور سادات فارغانو ته د مبارکۍ ترڅنګ؛ بېوزلي او بيکار په هيواد کې له مهمو ناخوالو څخه ياد کړل، زياته يې کړه، همدا فقر او بېکاري په هيواد کې د ناامنۍ سبب هم ګرځيدلي دي. 
نوموړي وويل: د کار او ټولنيزو چارو وزارت تل هڅه کوي، څو د فن او حرفې له لارې هيوادوالو ته د کار زمينه برابره او د بېکارۍ سطحه را ټيټه کړي. 
سيد انور سادات بهر ته د کارګرانو ليږلو په اړه وويل چې نږدې راتلونکي کې به اماراتو ته د کارګرانو ليږلو پروسه پيل شي، نوموړي زياته کړه، چې د کار نړيوال سازمان کلنۍ غونډه کې د يو شمير اروپايي هيوادونو استازو سره هم خبري شوي، هيله يې څرګنده کړه، چې تر يو لړ خبرو او هوکړو وروسته به اروپايي هيوادونو ته هم د افغان کارګرو د ليږلو زمينه برابره شي. 
غونډه کې د کاري چارو مرستيال سيد عبدالکريم هاشمي او افغان ـ کوريا مسؤل مير جلال الدين هشام هم خبرې و کړې، دوي فارغانو ته د مبارکۍ تر څنګ ژمنه و کړه، چې هڅه به و کړي، څو فارغانو سره د کار موندلو برخه کې هم همکاري و کړي. 
د ويلو دی، چې افغان ـ کوريا د فني او حرفوي زده کړو انستيتيوت، ۱۳۸۴ هـ ش کال د دوست هيواد کوريا په مالي مرسته جوړ او د کار او ټولنيزو چاررو وزارت تر چتر لاندې فعاليت لري، چې اتيا سلنه درسونه په کې عملي او د کار بازار مطابق دي، ياد انستيتيوت کې تر دې مهاله تر اوه زره زيات شاګردانو روزل شوي او د خدمت په موخه ټولنې ته وړاندې شوي دي.