د کوچنیانو ساتنې ملي پالیسی به د نړیوالو او ملي بنسټونو سره په مشوره جوړه شي.
د کار او ټولنیزو چارو وزارت د ټولنیزو چارو مرستیال؛ ښاغلی غلام حیدر جیلاني ددې لیدلورې په وړاندی کولو سره وویل: د کوچنیانو ساتنې ملي پالیسی به یوه هراړخیزه او ملي پالیسي وي چې د یونیسف په تخنیکي همکاری، آی بی سی آر (IBCR)انیسټیټیوت سره د یو قرارداد په ترڅ کې، له ټولو ملي او نړیوالو بنسټونو، اړونده بنسټونو او هغه کارکوونکي چې د کوچنیانو ساتنې په برخه کې کار او فعالیت کوي له ټولو سره په سلامشورې ترتیب شي.
ښاغلی جیلانی زیاته کړه: د کوچنیانو ساتنې ملي پالیسی د کوچنیانو د ملاتړ قانون په رڼا کې جوړیږي او په یاده پالیسی کې به د زیانمنونکو کوچنیانو ټولو اړخونو او د هغوی حقوقو ته پاملرنه وشي.
هغه زیاته کړه چې د ننی غونډې دایرولو موخه د د کوچنیانو ساتنې ملي پالیسی پروژې او د همدې پالیسی ترتیب په باره کې له اړوندو مسوولینو سره د نچوړ معلوماتو او د هغو کارونو شریک کول دی چې تراوسه سرته رسیدلی دی او په دې باره کې د هغوی نظرونو راټولول دي.
مرستیال وزیر د یونیسف سازمان له تلپاتې همکاریو او مرستو څخه مننې ترڅنګ؛ له ټولو ګډونوالو وغوښتل چې د کوچنیانو ساتنې ملي پالیسی په جوړولو کې خپلې باارزښته لیدلوري له مسوولانو سره شریک کړي او د کوچنیانو حقوقو په ډګر کې خپل ملي او اسلامي مسوولیت ادا کړي.
د کوچنیانو ساتنې ملي پالیسی د ترتیب په پرانیست غونډه کې ډیرو ملي او نړیوالو اداراتو او نور اړوندو ادارو استازو ګډون درلود چې د خپلو نظرونو په څرګندولو سره زیاته کړه چې د کوچنیانو ساتنې ملي پالیسی جوړول د کار او ټولنیزو چارو وزارت لخواه یو نیک ګام دی او د یادې پالیسی په بډاینه کې یې د نورې همکاری ژمنه وکړه.
یادولو وړ ده چې روانی میاشتې په لمړیو کې د کار او ټولنیزو چارو وزارت د کاناډا هیواد له آی بی سی آر (IBCR)انسټیټیوټ سره د (۳۵۴۵۲۱) د درې سوه څلور پنځوس زره او پنځه سوه یوویشت امریکایي ډالرو په ارزښت یو تړون لاسلیک کړ چې پر بنسټ به یې د هیواد لپاره د کوچنیانو ساتنې ملي پالیسی جوړه شي؛ د کوچنیانو ساتنې موجوده قضیو مدیریتي وسایلو سیستم ته بیاکتنه او پیاوړي شي او همداراز د یاد تړون له مخي د د کوچنیانو ساتنې شبکې ریاست کارکوونکو په ظرفیت لوړونه کې، مدیریتي سیستم په ځواکمنتیا، د کوچنیانو ساتني څیړنیز لارښود په تأسیس او کوچنیانو ساتني معلوماتي بانک د سیستم په تقویې کې هم کار وکړي.
یاده ناسته د درو ورځو په مخه وه چې د کوچنیانو ساتنې ملي پالیسی ترتیب لپاره ګډونوالو د ګروپي ناستو په دایرولو سره په عملي ډول یو بل سره کاري ناستې ترسره کړې.
