د کار چارو معین هېواد د ماشینرۍ اتحادیې له رئیس سره وکتل
د کار او ټولنیزو چارو وزارت؛ د کار چارو معین الحاج مولوي محمد زاهد احمدزي د خپل کار په دفتر کې د افغانستان د ماشینرۍ اتحادیې له رئیس محمد اسحاق عزام او نورو استازو سره وکتل.
په پیل کې د افغانستان د ماشینرۍ اتحادیې رئیس محمد اسحاق عزام په خپلو خبرو کې د کاري فعالیتونو د پراختیا په وړاندې د شته ستونزو، ننګونو، لاستهراوړنو او راتلونکو پلانونو په اړه معلومات شریک او بهرنیو او کورنیو اتباع ته د کار جوازونو د وېش په برخه کې د زیاتې پاملرنې غوښتنه وکړه.
ورپسې د کار چارو معین الحاج مولوي محمد زاهد احمدزي په خپلو خبرو کې د ذکر شویو ستونزو د حل په موخه د همکاریو ډاډ ورکړ او زیاته یې کړه، چې د افغانستان اسلامي امارت په حاکمیت سره په ټول هېواد کې ډاډمن امنیت ټینګ او هر ډول سوداګرۍ او پانګهاچونې ته مناسب فرصت او زمینه برابره ده او د هېڅ کورني او بهرني سوداګر په وړاندې کومه ستونزه شتون نهلري او له دوی څخه قوي ملاتړ کېږي.
مولوي احمدزي زیاته کړه: د کار او ټولنیزو چارو وزارت پالیسي هم همدا ده؛ چې د لویو پروژو په استخدام کې د بهرنیو وګړو پر ځای؛ کورنیو وګړو او همدارنګه د صنعتي او ماشنیري ځواک پرځای، بشري ځواک استعمالولو ته ترجیح ورکړو.
