د فني او حرفوي زدهکړو استادانو د ظرفیتلوړونې برنامه پیل شوه
د کار او ټولنیزو چارو وزارت د کار انسټیټیوټ په هڅو، د فني او حرفوي زدهکړو امارتي مرکزونو؛ استادانو لپاره د نصاب د تطبیق د څرنګوالي په اړه پنځه ورځینی سیمینار جوړ شو.
د سیمینار په پرانیست غونډه کې د کار انسټیټیوټ رئیس شریفالله شرافت، له نویو پرمختګونو سره د فني او حرفوي زدهکړو د معیارونو عیارول؛ شاګردمحوري او د نویو نصابونو د جوړښت او تدریس پر څرنګوالي هر اړخیز معلومات شریک او له ګډونوالو یې وغوښتل، چې په دې پروګرام کې له ترلاسه شویو زدهکړو، مهارتونو او تجربو څخه په استفادې سره د فني او حرفوي زدهکړو کمیت او کیفیت؛ دواړو ته پاملرنه زیاته کړي. نوموړي همداراز ډاډ څرګند کړ، چې د وخت اړتیاوو ته په کتو سره به په خپلو روزنیزو پروګرامونو او برنامو کې نړیوال معیارونه په پام کې نیسي.
د یادونې وړ ده، چې یاده برنامه د زیانمنو اقشارو د په مرکزونو د ۱۹ تنو په تدریس بوختو استادانو لپاره په پام کې نیول شوې ده؛ چې ۵ ورځې به دوام وکړي.
