د اختر په مناسبت ۵۲۰ تنو یتیمو او بې سرپرسته ماشومانو ته کالي ووېشل شول
د لغمان، کاپیسا؛ پروان او سرپل ولایتونو د کار او ټولنیز چارو ریاستونو په هڅو او د سخي مسئولینو، سوداګرو او خیریه بنسټونو له لوري د یاد ولایتونو په امارتي او خصوصي روزنتونونو کې میشتو یتیمو او بېسرپرسته ماشومانو ته د راتلونکي نیکمرغه کوچني اختر په مناسبت کالي توزیع او د هغوی لپاره ځانګړي روژهماتي ترتیب شول.
۲۰۰ تنو ته په لغمان، ۱۵۵ تنو ته په کاپیسا، ۱۰۰ تنو ته په پروان او ۶۵ تنو ماشومانو ته په سرپل ولایتونو د اختر کالي ترلاسه کړل.
د دې مرستو د وېش پرمهال؛ د کار او ټولنیزو چارو رئیسانو له همکارو او خیریه بنسټونو او اشخاصو څخه د مننې سربېره له نورو خیریه بنسټونو او همکارو مؤسساتو څخه هم دې ته ورته مرستو او همکاریو ِغوښتنه وکړه.
د یادونې وړ ده، چې په سرپل ولایت کې د یو سوداګر او په پروان ولایت کې د امنیې قومندان قاري محمد جاوید ضیاءالرحمان له لوري د امارتي او خصوصي روزنتونونو ماشومانو ته ځانګړي روژهماتي هم ترتیب شوي وو.
