له مرکز څخه ورغلی مؤظف پلاوي د خوست له روزنتون، فني او حرفوي زدهکړو او د ماشومساتنې له حمایوي مرکزونو څخه ليدنه وکړه
د کار او ټولنیزو چارو سرپرست وزیر الحاج ملا عبدالمنان عمري د هدایت په اساس، د داخلي تفتیش رئیس ملاشرفالدین شرف په مشرۍ مؤظف پلاوي د خوست ولایت د کار او ټولنیزو چارو ریاست د ورځینو کاري فعالیتونو او همدارنګه د روزنتون، فني او حرفوي زدهکړو او د ماشومساتنې له مرکزونو څخه د چارو د لا ښهوالي په منظور لیدنه او څارنه وکړه.
د دې لیدنې او ارزونې په ترڅ کې د کار او ټولنیزو چارو ریاست کاري فعالیتونو، لاستهراوړنو او راتلونکي پلانونو د ستاینې ترڅنګ له کارکوونکو وغوښتل، چې د ټولنې مظلوم او زیانمن قشر لپاره نهستړې کېدونکې هلې ځلې وکړي.
همداراز مؤظف پلاوي ته د کارکوونکو له لوري په چارو کې موجوده ستونزې او نیمګړتیاوې په ګوته او د حل په موخه يې اړونده کارکوونکو ته د راغلي پلاوي له لوري لازمې سپارښتنې او لارښوونې وشوې.
د خوست ولایت کار او ټولنیزو چارو رئیس الحاج مولوي آمر صاحب جان حقاني له مرکز څخه د راغلي پلاوي له راتګ څخه د خوښي څرګندولو ترڅنګ، ژمنه وکړه چې د هغوی هدایات او سپارښتنو څخه به په خپلو ورځنیو چارو کې ګټه اخلي.
په پای کې د داخلي تفتیش رئیس ملاشرفالدین شرف په مشرۍ مؤظف پلاوي ژمنه وکړه، چې د خوست ولایت د کار او ټولنیزو چارو ریاست اړونده ټولې ننګونې او ستونزې به د وزارت له مشرتابه سره شریکوي.
