د قانوني کډوالۍ پالیسۍ پراختیا نړیوال مرکز پروګرام کې د کاري چارو مرستیال ګډون
د کار او ټولنیزو چارو وزارت د کاري چارو مرستیال په مشرۍ یو پلاوي د نړیوالې قانوني ګډوال کېدو پالیسۍ( بهر ته د کاګرانو لیږل) اړوند پروګرام کې چې د ترکیې هیواد استانبول ښار کې جوړ شوی وه، ګډون و کړ.
د کاري چارو مرستیال سید عبدالکریم هاشمي د خپلو خبرو په ترڅ کې د نړیوالې کډوالۍ پالیسۍ د پراختیال مرکز(ICMPD) څخه مننه و کړه او یاد مرکز یې د افغانستان ښه دوست یاد کړ، و یې ویل: افغانستان د دوه دیرش میلیونه څخه زیات نفوس په درلودلو سره، تیر څلویښت کلونه سخت جنګي شرایط تیر کړي دي، چې دغه جنګونو د افغانستان ټول ملت په ځانګړې توګه ماشومان سخت متضرر کړي دي او د کار قوې ته هم په دې هیواد کې ډیره ضربه رسیدلې ده.
ښاغلي هاشمي د خپلو خبرو په ترڅ کې؛ بې کاري یوه ټولنیزه ستونزه یاده کړه، د امنیت نشتوالی، بې سوادي، اداري فساد یې د بې کارۍ او غیرې قانوني کډوالۍ له اصلي عواملو څخه یاد کړل، زیاته یې کړه: د افغانستان د کار او ټولنیزو چارو وزارت تل هڅه کړې، څو د کاري قوې ظرفیت لوړ او نړیوالې کډوالۍ پالیسۍ مطابق بهر ته یې و لیږي، چې په دې برخه کې د کډوالۍ پالیسۍ د پراختیا نړیوال مرکز (ICMPD) هر اړخیزه همکاري هم له ځان سره لرو، چې هیله ده په نږدې راتلونکي کې یوه جامع پالیسي جوړه کړو.
د کاري چارو مرستیال وویل، چې سولې په راتګ سره به هیواد ته ګڼ شمیر هیوادوال بیرته راستانه شي، چې د کار او ټولنیزو چارو وزارت د همکارو وزارتونو( د کډوالو او بیرته راستنیدونکو، بهرنیو او کلیو او پراختیا وزارتونه) سره به په ګډه د بیرته راستنیدونکو کډوالو لپاره د کاري زمینو برابرولو په برخه کې مهم پلانونه په پام کې دي.
د کاري چارو مرستیال تیره یوه لسیزه په ټوله نړۍ کې یو جدي تهدید یاد کړ، زیاته یې کړه، چې د بیکارۍ د جدي تهدید د مهارولو اړوند په پام کې ده، چې بهر ته د افغان کارګرو د قانوني لیږد په موخه د کډوالۍ پالیسۍ د پراختیا مرکز په همکارۍ یوه ستراتیژی جوړه کړو، چې په دې ستراتیژۍ تر یو بریده کار هم شوی دی او هیله ده په نږدې راتلونکي کې بشپړه شي.
د ویلو ده، چې د کډوالۍ پالیسۍ پراختیا نړیوال مرکز (ICMPD) په ۱۳۹۳ میلادي کال د کډوالۍ د قانوني کیدو په موخه د سویس او اتریش هیوادونو له خوا را منځ ته شو، دغه مرکز یو نړیوالی بین الدولتی نهاد دی؛ یاد مرکز د ملل متحد یو کوچینی مدل دی، چې اوه غړي لري او مرکز یې په ویانا ښار کې دی.
