د کار انسټیټیوټ د تدریسي نصاب او درسي موادو پر بیاکتنې څلور ورځنۍ غونډه پیل شوه
دکار او ټولنیزو چارو وزارت اړوند کار په انسټیټیوټ کې د تدریسي نصاب، درسي مواد و درسي محتوا د بیاکتنې لړۍ د علومو اکاډمۍ غړو، د یو شمېر امارتي او خصوصي پوهنتونو استادانو او دیني عالمانو په ګډون پیل شوه.
د نصاب د بیاکتنې موخه د کار انسټیټیوټ د درسي نصاب ارزونه او اصلاح بلل شوې، څو له علمي او دیني معیارونو سره لا اغېزمنه همغږي رامنځته شي، چې په دې بهیر کې د بېلابېلو پوهنتونو استادان، دیني عالمان، د علومو اکاډمۍ غړو او د اړوند وزارت مسوولین برخه لري.
د یادونې وړ ده چې دغه غونډه به څلور ورځې دوام وکړي او په پای کې به د نصاب او درسي موادو د لا ښه والي په موخه لازم وړاندیزونه او سپارښتنې چمتو شي.
