کابل کې له فني او حرفوي زدهکړو ۵۸ تنه ځوانان فارغ شول
د کار او ټولنیزو چارو وزارت اړوند د زیانمنو اقشارو لپاره د فني او حرفوي زدهکړو له امارتي مرکز څخه ۵۸تنه ځوانان په درېیو ( د تعمیراتو برېښنا، نلدواني او موبایل جوړونې) حرفو کې تر شپږو میاشتنیو نظر او عملي زده کړو وروسته فارغ او د ماهرو کاريګرو په توګه د کار بازار ته وړاندې شول.
په همدې مناسبت جوړه شوې غونډې ته د کار او ټولنیزو چارو وزارت د فني او حرفوي زدهکړو د مراکزو د تنظیم رئیس مولوي عبدالواحد فایز په خپلو خبرو کې ځوانانو ته د مبارکۍ سربېره وويل: دا د خوښۍ ځای دی، چې یو ځل بیا مونږ د یو شمېر ځوانان د فراغت شاهدان یو تر څو خپلو هېوادوالو او ټولنې ته خدمتونه وړاندې کړي.
نوموړي له فارغ شویو زدهکوونکو وغوښتل، چې د اړوندو حرفو له لارې خپلو هېوادوالو ته د ګټورو خدماتو وړاندې کولو جوګه شي.
