د کار او ټولنیزو چار وزارت وزیر الحاج ملا عبدالمنان عمري د کندهار ولایت سپین بولدک ولسوالۍ د بېرته راستنېدونکو هیوادوالو له کمپ څخه لیدنه وکړه
د کار او ټولنیزو چار وزارت وزیر الحاج ملا عبدالمنان عمري د کندهار ولایت په سپین بولدک ولسوالۍ کې د بېرته راستنېدونکو هیوادوالو له کمپ څخه په داسې حال کې لیدنه وکړه چې د یاد وزارت ځینو مرکزي رئیسانو هم ملتیا درلوده.
د بېرته راستنو شویوو افغانانو لپاره د خدماتي کمېټو له مسؤلینو سره تر لیدو وروسته یې د دې کمېټو فعالیتونه او خدمات له نږدې ولیدل، د مسؤلینو وړاندیزونه یې واورېدل، مسؤلینو ته یې لازمې سپارښتنې او لارښوونې وکړې؛ ترڅو بېرته راستنو شویوو هېوادوالو ته لازم او ښه خدمات وړاندې کړي.
په دغو کمېټو کې چې د کار او ټولنیزو چارو وزارت تر مشرۍ لاندې د کار موندنې کمېټه هم په یاد کمپ کې، تازه راغلو هېوادوالو ته د کاري فرصتونو د برابرولو لپاره ټول هغه هېوادوال چې د زده کړو ترڅنګ فني، تخنیکي او مسلکي مهارتونه لري. په اړونده سیستم کې درج او له اسکان مجدد وروسته ورته کاري فرصتونه برابروي.
د یادولو وړ ده، چې د کار او ټولنیزو چارو وزیر الحاج ملا عبدالمنان عمري د مهاجرینو د بېرته راتګ له بهیر څخه د لیدنې په موخه دروازې ته ولاړ او هلته یې تازه راغلو هېوادوالو ته ښه راغلاست ووایه او د ستونزو د حل لپاره یې مسؤلینو ته یادونه وکړه، چې له شته امکاناتو څخه د ستونزو د حل لپاره لاس په کار شي، په دروازه کې د مسؤلو مجاهدینو د حال او احوال پوښتنې ترڅنګ یې مجاهدین په نقدي مرستو هم ونازول.
