د کار او ټولنیزو چارو وزارت د ولایتي رئیسانو لپاره د کاري سمون او همغږۍ سمینار په دویمه ورځ د یو شمېر مرکزي ریاستونو د کړنو په اړه معلومات شریک شول
د کار او ټولنیزو چارو وزارت د ولایتي رئیسانو لپاره د کاري سمون او همغږۍ سمینار په دویمه ورځ، په داسې حال کې چې د وزارت د مالي او اداري چارو مرستیال مولوي دین محمد حقبین او د مقام د دفتر رئیس ملا شرف الدین شرف هم حضور درلود، یو شمېر مرکزي رئیسانو د خپلو اړونده ریاستونو په اړه د پرېزنټیشنونو له لارې معلومات شریک کړل.
ناسته کې د مالي او اداري چارو رئیس خالد نوید، د معلوماتي ټکنالوجۍ رئیس آغا محمد حیدري، د ټولنیزو تأمیناتو د تنظیم رئیس شریف الله شرافت، د بشري سرچينو رئیس مولوي نعمت الله عثماني، د بشري قواو عمومي رئیس مولوي حسین احمد مدني، د کار د تفتیش رئیس مولوي رحيم الله صراح، د کار د تقنين او حقوقو رئیس بشیر احمد راسخ، د ماشومانو د ساتنې رئیس مولوي سعد الدین مطمئن، د دار الایتامونو مسؤل، د فني او حرفوي زدکړو د مرکزونو رئیس مولوي عبدالواحد فایز او د کار بازار د مطالعې رئیس مولوي میرحاتم امیري د خپلو اړوندو ریاستونو د کاري استقامتونو، عمده فعالیتونو او لاسته راوړنو په اړه لازم معلومات او توضیحات وړاندې کړل.
