د وزارت ملکیتونو د وضعیت په تړاو د کار او ټولنیزو چارو وزارت په مالي او اداري معینیت کې غونډه جوړه شوه
د کار او ټولنیزو چارو وزارت د مالي او اداري معین مولوي دین محمد حقبین تر مشرۍ لاندې د کار او ټولنیزو چارو وزارت؛ سپینو، اعمار او غصب شویو ملکیتونو د تثبیت او څارنې په تړاو غونډه جوړه شوه. په یاده غونډه کې د اداري او خدماتو ریاست سره په لاس اسنادو مطابق د وزارت هر ډول ملکیتونو تثبیت، څارنې او کنټرول په اړه خبرې وشوې.
په یاده غوڼده یو مؤظف پلاوی ته دنده وسپارل شوه چې په یاد ډګر کې شته ستونزې او خنډونه وارزوي او خپلې موندنې په یو ګزارش کې د نورو اجراآتو لپاره د وزارت مقام ته وړاندې کړي.
