بهر ته د افغان کارګرو لیږولو په موخه د اړونده نړیوالو ادارو مسؤلینو سره د کار او ټولنیز وچارو وزارت وزیر ویډیویي کنفرانس
د کار او ټولنیزو چارو وزیر بشیر احمد ته ینج د افغانستان په استازیتوب چې اوس مهال د کولمبو پروسې نوبتي ریاست هم په غاړه لري، د دې پروسې مرسته کوونکو نهادونو، نړیوالو سازمانونو او اړونده ادارو استازو سره بهر ته د افغان کارګرو لیږلو پروسې اړوند د ویډیو کنفرانس له لارې خبرې و کړې.
دې ویډیو کنفرانس کې بهر ته په منظمه او غیر منظمه توګه د افغان کارګرو لیږلو، د کډوالۍ دوه اړخیزه هوکړه لیک لاسلیکولو او همدارنګه د کولمبو پروسې ریاست دوره کې بهر ته په خوندي توګه د کاري کډوالۍ برخه کې د افغانستان په رول هر اړخیزې خبرې و شوې.
پيل کې د کډوالۍ مدیریت کولو برنامې مدیرې میرمن لارا وایت د کولمبو پروسې پر پس منظر، موخو او د دې پروسې پر وړاندې د کډوالۍ نړیوال سازمان پر رول او نورو مهمو موخو هر اړخیز پریزنتیشن وړاندې کړ.
وروسته د کار او ټولنیزو چارو وزیر او د کولمبو پروسې نوبتي رئیس په غیرې منظمه توګه د کار تحرک اوږدې مخینې، د کاري قوې تحرک او پرمختګ پر اړیکو، د خلیج فارس حوزې هیوادونو سره د دوه اړخیزه هوکړه لیک، د یادو هیوادونو پر وضعیت او د منظمې ګډوالۍ پروسې اسانه کولو او سیستم جوړولو برخه کې د افغانستان اسلامي جمهوري دولت پر رول خبرې و کړې.
همدارنګه دې ناسته کې د افغانستان لپاره د کډوالۍ نړیوال سازمان عمومي رئيس ستورات سمپسون هم په خوندي او قانوني توګه کډوالۍ اړوند خبرې و کړې او په دې برخه کې یې د یاد سازمان له کړونو یادونه و کړه.
د ویلو دی، چې کولمبو پروسه د کارګرو لیږونکو او کارګرو قبلوونکو هیوادونو په غړیتوب جوړه شوې، چې کارګر قبلوونکو هیوادونو ته د کارګرو لیږلو پروسې اسانه کولو برخه کې کار کوي چې اوس مهال، افغانستان د یادې پروسې دوره یی ریاست په غاړه لري.
