د کار او ټولنیزو چارو وزیر، په لویدیځ زون کې د ټولنیز خوندیتوب سکتور استازو سره و کتل.
د کار او ټولنیزو چارو وزیر بشیر احمد ته ینج، د کاري چارو مرستیال سید عبدالکریم هاشمي او د کار او ټولنیزو چارو وزارت د ټولنیز خوندیتوب اړوندو مسؤلینو، په لویدیځ زون کې د کار او ټولنیزو چارو وزارت ټولنیزو شریکانو او د ټولنیز خوندیتوب سکتور استازو سره و کتل.
دې ناسته کې چې په لویدیځ زون کې د ټولنیز خوندیتوب سکتور ټولو استازو په کې برخه لرله؛ د خپلو کړنو، ستونزو او وړاندیزونو اړوند د کار او ټولنیزو چارو وزارت رهبرۍ سره هر اړخیز بحث و کړ او د ستونزو د حل غوښتنه یې و کړه.
د ټولنیز خوندیتوب سکتور استازو سره په ناسته کې د کار او ټولنیزو چارو وزیر بشیر احمد ته ینج د خپلو خبرو په ترڅ کې د ټولو همکارو ادارو له مرستو او همغږۍ څخه مننه و کړه او د وړاندیزونو او ستونزو د حل په موخه یې، اړوندو مسؤلینو ته لازمې لارښوونې او سپارښتنې و کړې.
د ویلو دی، چې دې ناسته کې د کار او ټولنیزو چارو وزارت رهبرۍ په لویدیځ زون کې د ټولنیز خوندیتوب سکتور ادارو کړنې و ستایلې او کارو او ټولنیزو چارو وزارت سره یې د یادو ادارو په لا ښې همغږۍ یې ټینګار و کړ.
همدارنګه د کار او ټولنیزو چارو وزیر بشیر احمد ته ینج او مل پلاوي یې نن د هرات ولایت خواجه انصار روزنتون، وړکتونونو او د فني او حرفوي زده کړو څخه د فارغو شویو میرمنو لاسي صنایعو او تولیداتو نندارتون څخه هم لیدنه و کړه، د هغوی ستونزې یې له نږدې واوریدې او د حل په موخه یې مسؤلینو ته لازمې لارښوونې او سپارښتنې و کړې.
